- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
KvK Business Event: Aruba mester prepara awe pa economia di mañan
ORANJESTAD – Cerca di 300 empresario, representante di gobierno y profesional a reuni durante e Aruba Chamber Business Event 2026, organiza pa Camara di Comercio y Industria di Aruba (KvK). Cu e tema “Beyond Tourism: Building Aruba’s Next Economy”, e conferencia a enfoca riba con Aruba por evoluciona di un economia cu ta depende di turismo pa un modelo mas diversifica, sostenibel y resiliente.
KEMMERLING
Presidente di KvK, Diederik Kemmerling, a indica cu Aruba a yega na un momento decisivo. Mientras turismo a trece hopi prosperidad, e siguiente paso ta exigi decisionnan estrategico pa proteha calidad di bida y asegura un economia mas fuerte pa futuro.
ORADORNAN PRINCIPAL
E oradornan principal, Tony van Veen y Miles Mercera, a propone un crecemento turistico mas controla, regulacion di huurmento di corto plazo, mas proteccion di naturaleza, inversion den vivienda, fintech, economia digital y un Aruba Future Fund pa financia diversificacion economico. Nan a enfatisa cu progreso no mester wordo midi solamente cu crecemento economico, sino tambe cu bienestar y calidad di bida.
DISCUSION DI PANEL
Durante un panel di discusion, representante di sector priva a destaca cu e cambio pa un economia mas sostenibel ta un responsabilidad comparti entre gobierno y empresariado. Aunke tabatin diferente opinion, tabatin un consenso amplio cu turismo, vivienda, infrastructura y sostenibilidad mester forma parti di un solo vision pa futuro di Aruba. Cu e Business Event 2026, KvK a reafirma su compromiso pa sigui promove dialogo y colaboracion entre gobierno, sector priva y comunidad riba e futuro economico di Aruba.