160 pasahero cu a keda pega na Corsou debi na temblor di Venezuela, a bolbe Spaña

WILLEMSTAD – Cerca di 160 di e 350 pasahero cu tabata abordo di un avion cu a desvia pa Corsou despues di e fuerte temblornan na Venezuela, a logra bolbe pa Spaña. Pa e otro 190 pasahero, autoridadnan di Corsou a organiza alojamiento y asistencia.

E avion tabata saliendo for di Spaña rumbo pa Venezuela, pero no por a aterisa debido na e daño causa pa e temblornan. Como un buelo inmediato di regreso tampoco tabata posible, e avion a wordo desvia pa Corsou.

Entre e pasaheronan cu a keda vara tabatin 14 deportista menor di edad huntu cu nan guia. Un resort a pone cambernan disponibel pa e grupo, mientras un boluntario a brinda alojamiento na aproximadamente dies otro pasahero. Ademas, 44 persona a wordo aloja na un otro localidad.

Gobierno di Corsou a confirma cu tur e pasahero cu a permanece riba isla y cu tabatin necesidad di asistencia a haya un luga sigur pa keda.

Den e operacion di acogida y apoyo a participa e equipo di crisis, Cruz Cora, Curaçao Airport Partners, Korps Politie Curaçao, Venex y un gran cantidad di boluntarionan, kende a traha huntu pa brinda e pasaheronan e cuido y asistencia necesario durante e situacion di emergencia.