- Arnhem: “Ta presidente di SPA mes ta e persona cu no a atende invitacionan pa consulta!”
- Analisis: Caso Mero ta pone Mike de Meza na un cruzada decisivo
- Presion legal di Aruba Birdlife Conservation a resulta den cierre di rutanan na costa norte
- Gana 150 mil awe cu Lotto Aruba via nan Lotto di Dia Roll Down
- Partidonan hulandes PVV y CDA kier Caribe paga mas pa Wardacosta
- Arnhem: “Ta presidente di SPA mes ta e persona cu no a atende invitacionan pa consulta!”
- Analisis: Caso Mero ta pone Mike de Meza na un cruzada decisivo
- Presion legal di Aruba Birdlife Conservation a resulta den cierre di rutanan na costa norte
- Gana 150 mil awe cu Lotto Aruba via nan Lotto di Dia Roll Down
- Partidonan hulandes PVV y CDA kier Caribe paga mas pa Wardacosta
Consulta Interparlamentario di Reino (IPKO) ta adopta formato nobo pa logra resultado mas concreto
DEN HAAG – Interparlementair Koninkrijksoverleg, osea e Consulta Interparlamentario di Reino (IPKO) ta adopta un formato nobo pa logra resultado mas concreto. IPKO a dicidi di implementa un formato nobo di reunion, cu mester contribui na resultado mas concreto y visibel pa e paisnan di Reino. Delegacionnan parlamentario di Aruba, Corsou, Hulanda y Sint Maarten a acorda pa usa e recomendacionnan den e informe “Samenwerken aan zichtbare resultaten die tellen” como guia principal pa futuro reunionnan.
METODO NOBO
E metodo nobo a wordo poni den practica pa prome biaha durante e sesion di verano di IPKO na Den Haag. Durante e reunion, participantenan a concentra riba un tema central, a participa den sesionnan interactivo y a sostene un conversacion informal cu Secretario di Estado pa Relacionnan di Reino y Gobierno Eficiente, Eric van der Burg.
RENOBACION DI IPKO
E renovacion di IPKO ta basa riba un informe prepara door di presidente di Parlamento di Sint Maarten, Sarah Wescot-Williams. Segun e acuerdo alcanza, e recomendacionnan di e informe lo guia organizacion y funcionamiento di futuro reunionnan, mientras cu tambe por presta atencion adicional na temanan manera participacion di hubentud. Delegacionnan a acorda cu despues di e reunion di IPKO programa pa januari 2027 na Sint Maarten, lo sigui un evaluacion oficial pa determina e efectividad di e formato nobo.
Ademas, cada delegacion lo desaroya por lo menos un tema principal durante e proximo seis luna y sigui e metodo nobo. E trabounan aki lo wordo comparti entre e diferente parlamentonan y por wordo considera como tema central durante futuro reunionnan di IPKO.
IPKO ta reuni parlamentonan di Aruba, Corsou, Sint Maarten y Hulanda regularmente pa discuti asunto cu ta importante pa Reino Hulandes. Cu e sistema nobo, participantenan ta busca pa fortalece cooperacion mutuo y haci e resultado nan di e reunionnan mas visibel y efectivo pa e ciudadano nan di e diferente paisnan.