Wendy’s Aruba y Damian Pinas ta lansa “The Baba Yaga Combo”

(ADVERTORIAL)

ORANJESTAD– Wendy’s Aruba a anuncia oficialmente un colaboracion special cu atleta profesional Arubiano Damian Pinas, un di e deportistanan local cu mas exito y reconocemento internacional. Como parti di e alianza, Wendy’s Aruba a presenta “The Baba Yaga Combo”, un menu special selecciona personalmente pa Damian y cu ta combina su gusto personal cu un experiencia unico pa clientenan.

Segun Wendy’s Aruba, e colaboracion ta forma parti di e compromiso continuo di e compania pa celebra talento local y conecta cu comunidad Arubiano den un manera autentico. Damian Pinas ta representa balornan manera disciplina, perseverancia, dedicacion y orguyo nacional, caracteristicanan cu Wendy’s Aruba ta aprecia profundamente.

Locual cu ta haci e campaña aki ainda mas special ta cu Damian mes a participa activamente den e proceso creativo. Durante un bishita na Wendy’s, e atleta a purba distinto opcionnan di menu te ora cu el a selecciona personalmente e combinacion cu awor ta conoce oficialmente como “The Baba Yaga Combo”.

E combo ta consisti di un Chicken Tenders Wrap exclusivo, un producto cu no tabata parti di e menu regular di Wendy’s Aruba. E wrap tin dos chicken tenders, cheddar cheese, lechuga y ranch sauce. Ademas, e combo ta bin cu batata, un Coke Medium y un Wendy’s Signature Sauce adicional pa completa e experiencia culinario. E prijs oficial di e combo ta Afl. 20.

Pero e campaña ta bay mucho mas leu cu solamente cuminda. Tur persona cu cumpra un Baba Yaga Combo por participa pa gana un experiencia exclusivo cu Damian Pinas. Participantenan mester deposita nan recibo den e ballot box disponibel na tur sucursal di Wendy’s Aruba.

Dia 15 di december 2026, cinco ganador lo wordo selecciona pa participa den un sesión exclusivo di Meet/ Greet + MMA cu Damian Pinas. Durante e actividad, e ganadonan lo haya oportunidad pa conoce Damian personalmente, papia tocante su entrenamento y experiencia den deporte di combate, entrenamento, siña tecnica basico di e deporte, saca potret y ricibi autografo.

Segun Andrew Rasmijn, manager di Damian Pinas, e colaboracion ta representa un ehempel positivo di con empresanan local y deporte por uni forza pa crea oportunidadnan significativo pa comunidad.

“Damian ta pasando den un periodo hopi positivo den su carera profesional y ta sigui enfoca riba su preparacion pa futuro combatenan. E apoyo di empresanan local manera Wendy’s Aruba ta importante pa deportistanan Arubiano. Ora sector priva y deporte uni forza, tur hende ta gana. Nos ta hopi contento cu e oportunidad aki pa conecta cu fanaticonan den un forma diferente,” Rasmijn a expresa.

Rasmijn a splica cu e nomber “Baba Yaga” tin un significado special den mundo di deporte di combate. E ta simbolisa un luchador persistente, impredecibel, resistente y dificil di stop. Segun el, e concepto ta refleha e disciplina, determinacion y preparacion constante cu Damian ta incorpora den su carera profesional.

“The Baba Yaga Combo” ta disponibel caba na tur sucursal di Wendy’s Aruba y, cuminsando dia 6 di juni, tambe lo ta disponibel pa servicio di delivery. Prijs pa entrega ta awg. 24.

Wendy’s Aruba y e team di Damian Pinas ta invita comunidad henter pa pasa na cualkier sucursal, disfruta di e combo special, apoya talento local y participa pa e experiencia exclusivo cu lo pone cinco afortunado cara a cara cu un di e atletenan Arubiano cu mas exito den escenario internacional.

Pa mas informacion tocante e promocion, comunidad por bishita e Wendy’s Aruba riba Facebook of Instagram of pasa na cualkier sucursal di Wendy’s rond di e isla.