Curaçao North Sea Jazz Festival 2026 a añadi Jeon, The Jacksons, Sean Paul y Afro 23

ORANJESTAD – E cartelera oficial di Curaçao North Sea Jazz Festival pa 2026 awor ta completamente confirma, cu adicion di varios  nomber grandi internacional y regional na e programa musical di september.

Pa diabierne 4 di september, artistanan manera Jeon, Sean Paul y The Jacksons a wordo agrega oficialmente na e lineup. Meanwhile, artista cubano Afro 23 lo completa programa di diasabra 5 di september y tambe lo habri e festival cu un concierto gratuito na Kura Hulanda Village dia 1 di september.

Afro 23 ta conocido pa su mezcla di ritmo cubano tradicional cu influencianan moderno. E cantante, pianista y productor a desarrolla su carrera musical na Cuba promé cu muda pa Miami, unda el a logra exito cu varios sencillonan popular.

Rapper Arubano Jeon ta considera un di e exportacionnan musical mas grandi di Aruba. El a gana fama internacional cu hitnan manera “Machika” y tambe a colabora cu artistanan grandi manera J Balvin, Anitta y Nicky Jam.

Sean Paul, uno di e artistanan di dancehall mas exitoso di Jamaica, lo trece hitnan mundial manera “Get Busy” y “Temperature” pa e festival. Mientras tanto, The Jacksons lo representa e legado legendario di e famia Jackson cu un show yen di clasiconan di pop, soul y disco.

E festival lo tuma luga den World Trade Center Curaçao entre 3 y 5 di september. Entre otro artistanan confirma tin Ruben Blades, Toto, Jon Batiste, Stephen Marley y Kassav'.