Hilton Aruba a inaugura e toren di luho nobo “The Westerly” na Palm Beach

PALM BEACH – Hilton Aruba Caribbean Resort & Casino oficialmente a habri “The Westerly”, un toren nobo dilanti di laman cu ta marca un capitulo nobo pa turismo di luho na Aruba. E toren boutique-style ta conta cu 161 cambery suite grandi, servicio priva di check-in y concierge, ademas di acceso na tur facilidadnan di e resort, incluyendo restaurantnan, spa, rooftopnan y casino.

“The Westerly” ta enfoca riba un experencia mas exclusivo y personalisa, combinando diseño moderno, comfort y conexion cu belleza natural di Aruba. Un di e atraccionnan principal ta “Terrace on 10”, un rooftop adults-only cu bista panoramico riba Palm Beach, cocktailnan y gastronomia premium.

Segun directiva di Hilton, e apertura ta fortalece crecemento di e cadena den Caribe y America Latina, mientras cu Aruba ta sigui posiciona su mes como destino premium pa bishitantenan di luho.

Representantenan di e proyecto tambe a destaca cu esaki ta e prome resort na Aruba desarroya completamente cu financiamento local, algo cu nan ta considera un milestone importante pa inversion y economia local.

Ademas di e toren nobo, Hilton Aruba Caribbean Resort & Casino ta ofrece ocho opcion  culinario, spa renoba, facilidadnan pa eventonan y entretenimiento, incluyendo casino estilo Las Vegas.

Cu “The Westerly”, Hilton Aruba ta busca pa establece un nivel nobo di hospitalidad premium na Aruba y ofrece un experencia unico pa biahero moderno.