Turismo na Aruba ta sigui crece cu bishitantenan di entrada halto

ORANJESTAD – Aruba Tourism Authority (A.T.A.) a reporta resultado positivo pa luna di april 2026, cu turismo ta sigui genera mas entrada pa e economia local. Segun datonan oficial, gasto turistico a subi pa mas cu 5,5 miljard florin, un aumento di 6,5% compara cu aña pasa.

A.T.A. a indica cu bishitantenan tambe ta gasta mas durante nan estadia, mientras cu e organizacion ta sigui enfoca mas riba atrae turista cu entrada halto. Actualmente, Aruba ta apunta mas riba mercado Mericano cu entrada familiar di USD 250 mil of mas pa aña.

Durante april, Aruba a ricibi mas cu 157 mil bishitante stayover, cu un promedio di estadia di 7 anochi. Norte America a sigui ta e mercado principal cu mas cu 77% di tur yegadanan, sigui pa Sur America y Europa.

Generacion X, Baby Boomers y Millennials a forma e grupo mas grandi di bishitantenan durante e luna.

Den sector di vacation rental (STVR), nivel di ocupacion a keda stabiel na 56%, mientras cu entrada total di e sector te cu april a yega USD 151 miyon, mas halto cu aña pasa.

A.T.A. ta considera e resultadonan como señal cu Aruba ta sigui fortalece su posicion como destinacion premium den Caribe.