Rey Willem-Alexander lo bay Merca pa wak tanto Corsou y Hulanda den mundial di futbol

AMSTERDAM - Rey Willem-Alexander y reina Máxima lo biaha luna siguiente pa Merca pa mira partidonan di Hulanda y Corsou   durante Mundial di futbol.

Promé cu e biahe, e parea real lo mira riba television e prome partido di Hulanda contra Japon hunto cu emperador di Japon, cu lo ta presente na Hulanda e mesun momento. Rey Willem-Alexander a confirma esaki durante un encuentro cu prensa despues di e sesion anual di portretnan di zomer.

Despues di esey, e Rey y Reina lo biaha pa Merca. Nan prome parada lo ta na Houston pa mira partido entre Hulanda y Suecia dia 20 di juni. Despues nan lo bai Kansas City pa anima Corsou den su partido contra Ecuador dia 21 di juni. Tin posibilidad cu prinsesnan tambe lo bai.

“Ta un Mundial extra special, pasobra nos tin tanto Hulanda como Corsou participando,” e Rey a splica. “Asina nos tin dos biaha mas ekipo pa anima. Un bon oportunidad pa sostene tanto ‘e Blauwnan’ como ‘e Oranjes’.”

E Rey a bisa cu e spera cu tanto Hulanda como Corsou logra bay leu den torneo. Specialmente, e ta spera cu Corsou logra gana Alemania den prome partido “pa pone e tono,” e Rey a comenta cu un sonrisa.

Prinses Catharina-Amalia a bisa tambe cu nan ta ansioso pa Mundial y posiblemente lo mira algun partido “den un bar na Amsterdam.”

Hulanda lo hunga den fase di grupo contra Japon, Suecia y Tunesia. Corsou, bou direccion di coach Dick Advocaat, lo enfrenta Alemania, Ecuador y Costa di Marfil.