Aruba ta introduci regla di seguridad mas stringente pa barco offshore

ORANJESTAD – Segun informacion publica pa Aruba.nu, Aruba, hunto cu Corsou y Sint Maarten, a introduci regla internacional nobo di seguridad pa barconan cu ta transporta personal industrial pa proyectonan offshore, manera parque di solo y biento riba laman.

E medida ta relaciona cu implementacion di e asina yama IP-Code, un standard internacional di seguridad di International Maritime Organization. Cu e cambio aki, barconan cu ta transporta mas cu 12 trahado industrial lo mester cumpli cu regla mas severo y tin certificacion especial di seguridad.

Segun e informacion, e cambionan ta necesario pa motibo cu actividadnan offshore den mundo ta creciendo rapidamente. E   regla nobo tambe ta inclui rekisito extra pa inspeccion, entrenamiento, proceduranan di seguridad y equipo di rescate abordo.

Un cambio importante ta cu personal industrial awor no lo wordo considera como pasahero regular, pero e barconan lo cai bou categoria di cargo ship, cu normanan di seguridad adapta especificamente pa trabounan offshore.

E regla nobo a drenta oficialmente na vigor dia 1 di mei di e aña aki.