Rainbow Warriors ta propone codigo di conducta pa sector di UTV, ATV, e-bike y e-scooter

ORANJESTAD - Rainbow Warriors Core Foundation a haci un llamado pa crea un convenio y codigo di conducta enfoca riba sostenibilidad pa e sectornan di UTV/ATV y e-bikes/e-scooters na Aruba. Segun e fundacion, e reciente decisionnan di gobierno y e accion legal contra operadornan di ATV y UTV ta pone empleo y estabilidad economico den peligro.

E organisacion ta argumenta cu sostenibilidad no ta solamente proteccion ambiental, pero tambe proteccion economico y social. Pesey nan kier reuni cu stakeholdernan, gremionan comercial y sindical pa yega na acuerdo cu lo establece reglanan y responsabilidadnan ambiental pa cada sector, mientras cu ta proteha trabou y naturaleza na mes momento.