Nacionnan Uni ta alerta riba reto y cambio den famianan na Aruba

ORANJESTAD - Den cuadro di Dia Internacional di Famia 2026, Nacionnan Uni ta pone enfasis riba importancia di famia como base fundamental pa desaroyo humano y bienestar social. Tema di aña aki ta “Famia, desigualdad y bienestar infantil”, enfocando riba impacto di pobresa, divorcio, violencia, adiccion y exclusion social riba mucha y hoben.

E documento ta mustra cu composicion di famia na Aruba a cambia hopi durante ultimo decenionan. Caso di divorcio a subi considerablemente y hopi famia ta enfrenta tension social, emocional y financiero cu ta afecta ambiente familiar y desaroyo di mucha.

Tambe ta señala cu, apesar di esfuerzo di scolnan, trahadornan social y organisacionnan comunitario, tin necesidad pa mas coordinacion y apoyo entre gobierno, sector priva y comunidad.

Como recomendacion principal, ta propone pa crea un Comision Nacional pa Famia cu lo monitoria situacion di famianan na Aruba, coordina ayudo social y fortalece cooperacion cu organisacionnan internacional manera United Nations.