Max Verstappen ta cuminsa careda di 24 ora di Nürburgring for di cuater posicion

NÜRBURGRING -  Max Verstappen, coredo hulandes di careda di Formula 1, y su compañeronan di ekipo lo cuminsa e famoso carrera di 24 ora di Nürburgring for di cuarta posicion. Compañero di Verstappen, Daniel Juncadella, no a logra sigui e ritmo di e Lamborghininan liher cu a conquista prome y di dos lugar durante clasificacion.

Mas tempran durante dia, Verstappen mes a registra e di seis tempo mas lihe den e segunda sesion di “top qualifying”. Pa e autonan mas lihe na 24 Hours Nürburgring, a usa un sistema di knockout similar na Formula One, unda e 12 autonan mas lihe a competi pa conquista pole position.

E prome fila di salida tabata pa Lamborghini, mientras cu auto di Nicky Catsburg a termina na di dos lugar. E di tres tempo mas lihe tabata di Christopher Haase, kende anteriormente e a compiti contra Verstappen den carreranan clasificatorio.

Entrenamentonan riba e iconico circuito Nordschleife a cuminsa diahuebs. Durante esakinan, Verstappen a completa su prome rondanan den scuridad y bao awacero. Tempo den region di Eifel a keda variable durante henter e siman.

Tambe durante carrera tin posibilidad di awacero, algo cu lo haci e reto riba e circuito di 25 kilometer ainda mas dificil. E carrera lo cuminsa mañan  3’or atardi.