Prome minister hulandes Jetten rumbo pa Aruba durante biahe den Reino

DEN HAAG – Prome minister Rob Jetten ta bishitando e parti Caribe di Reino Hulandes for di 8 te cu 14 di mei, unda cu Aruba ta hunga un rol importante den e ultimo parti di e biahe. Ta e prome bishita oficial di Jetten na region como prome minister.

Jetten ta yega Aruba dia 12 di mei, despues di bishitanan anterior na Sint Maarten, Saba, Sint Eustatius y Boneiru. Durante su estadia, e lo atende e premiere oficial di un documental tocante naturaleza di Aruba, como parti di e proyecto multimedia WOW! tocante e parti Caribe di Reino.

Dia 13 di mei, e prome minister lo bishita Parke Nacional Arikok, uno di e areanan natural mas conoci di Aruba. Tambe tin un bishita programa na centro deportivo Centro Deportivo Libertador Betico Croes, unda cu atencion lo wordo dedica na deporte y desarrollo di hoben.

Ademas, desarroyo economico ta ocupa un lugar central durante un bishita empresarial den cuadro di e nobo regla BMKB ACS, cu tin como meta pa sostene empresarionan den e parti Caribe di Reino.

Prome cu su salida rumbo pa Corsou, Jetten lo ricibi ainda un rondleiding na Aeropuerto Reina Beatrix.

Durante e biahe mas amplio den Reino, e prome minister ta reuni cu gobernantenan, organisacionnan social y empresarionan tocante temanan manera sostenibilidad, seguridad, gobernacion y cooperacion economico dentro di Reino Hulandes.