Wind Creek Aruba ta invita organisacionnan di caridad pa participa na e di 8 edicion di Long Table Aruba

(ADVERTORIAL) 

ORANJESTAD  - E di 8 edicion di Long Table Aruba, organisa pa Wind Creek Aruba, ta bek pa un anochi, e unico mesa di cena di mas largo completamente blanco cu un balor di $60,000.

E evento di e aña aki lo tuma lugar diadomingo 7 di Juni y lo conta cu un mesa largo di 1000 pia cu lo wordo prepara pa 1000 invitado riba L.G Smith’s Boulevard dilanti Renaissance Wind Creek Aruba Resort.

‘Nos ta compronde e importancia di conecta cu e comunidad y nos ta desea pa sostene organisacionnan local na e manera cu lo realmente beneficie e comunidadnan di Aruba,’ asina Sr. Paul Gielen, General Manager di Wind Creek Aruba a declara. ‘E aña aki nos kier a duna mas tanto organisacion e chens pa participa, aportando asina pa por logra cu nan mission pa mehora nos isla.’

Cuminsando desde 25 di April, organisacionnan local por participa creando un video splicando e motibo pakiko nan ta desea pa ricibi e donacion aki. Tur video cu wordo entrega lo wordo unda cu pueblo di Aruba lo por yuda vota pa e ganadornan di e anja aki.

Tene e siguente puntonan den consideracion:

•               Solamente organisacionnan local – non profit y cu ta activo por paricipa na e competencia

(empleado den servicio di Wind Creek Aruba no por participa)

•               Lo mester entrega un video di 30 pa 60 seconde mustrando e meta di e organisacion, ken nan ta, kiko nan ta haci y pakiko nan ta desea pa wordo escogi 

•               Lo mester manda e video pa sales@arubarenaissance.com prome cu dia 15 di Mei 2026

•               Tur video ricibi lo wordo publica sin ordo riba e pagina di Facebook di Long Table Aruba pa pueblo di Aruba por admira

•               Pueblo por vota pa nan video preferi

Nos lo pidi, comunidad di Aruba pa juda nos determina cual organisacion lo beneficia di e premio di e anja aki via un proceso di votacion online. Haci un impacto den comunidad y duna alivio durante calamidad ta un principio di operacion di Wind Creek Aruba. Desde yegada di Wind Creek na Aruba nan a recauda fondo pa medio di diferente evento, manera Long Table Aruba.

Sr Gielen ta continua; ‘Nos ta sumamente orguyoso y entusiasma pa no solamente ofrese un experencia exceptional pa e comunidad, pero alaves por conecta cu e pioneronan pa por mira con y kiko mas nos lo por hasi pa por sostene nan metanan. Nos ta sinti nos mes honra pa por ofrese e pueblo di Aruba un otro anochi inolvidabel unda nos lo duna bek, y celebra hunto cu nos comunidad di Aruba.‘