Sigmar Carmelia nombra como presidente di Corte Comun di Husticia

ORANJESTAD - Na Corte Comun di Husticia, sr. mr. S.A. (Sigmar) Carmelia a wordo nombra como presidente. E nombramento lo drenta na vigor riba e dia cu e Desicion Real (Koninklijk Besluit) wordo firma. E Conseho di Ministernan di Reino a duna su aprobacion pa e proposicion pa e nombramento aki, riba propuesta di secretario di estado di Husticia y Seguridad, Van Bruggen.

E presidente nobo, mr. Carmelia, ta desde 2014 un miembro (suplente) di Hof Comun. Prome cu esaki, e la traha, den marco di su formacion, como huez suplente y juez di kanton na corte di Gelderland, ademas como abogado y consehero huridico na Colegio pa Derecho Humano.

E ta sigui sr. mr. Mauritsz de Kort, cu tabata presidente di Hof Comun te cu 4 di november 2025. Mr. De Kort a wordo nombra como gobernador di Corsou.