Chauffeur di accidente mortal na Aruba ta keda deteni, caso ta den juli

ORANJESTAD – Huez a dicide cu e chauffeur di 25 aña, Chania Fernandes P., lo keda den detencion provisional pa awor, pa su rol den e accidente di trafico mortal di 4 di januari, unda dos persona a perde nan bida.

Ta trata di Josely Paulina Vasquez Gonzalez di 65 aña y Carlos David Vialez Valerio di 54 aña, cu a fayece durante e accidente.

Durante un audiencia pro-forma diabierna, Ministerio Publico a indica cu e investigacion ta casi completo. Solamente algun raport, incluyendo di reclassering y expertonan forense, ainda mester wordo añadi. E tratamiento di contenido di e caso ta spera pa fin di mei of cuminsamento di juni, pero mientrastanto ya a wordo plania pa 7 di juli proximo.

Defensa a pidi huez pa nan cliente keda den liberacion of suspende e detencion provisional. Tambe a pidi pa tende dos testigo un biaha mas y pa laga haci un investigacion psicologico independiente. Segun abogado, sospechoso no ta ricibi e tratamiento correcto den prizon y no tin riesgo di fuga, pasobra e ta biba na Aruba.

Fiscal a opone contra e liberacion. Segun Ministerio Publico, ta trata di un hecho serio cu a sacudi sociedad. E chauffeur lo a maneha bou di influencia, sin permiso di stuur y cu un velocidad di mas cu 100 kilometer pa ora. Hasta cu un acusacion mas leu, ya por resulta den un condena di prizon di diesdos luna, p’esey liberacion awor no ta na orden, segun OM.

Huez a bai di acuerdo cu peticion pa un investigacion psicologico independiente y tambe ta habri pa tende testigonan un biaha mas. Peticion pa libera sospechoso a wordo rechasa. NOTA: E potret ta un dramatisacion di e suceso, y ta pa acompaña e articulo adhunto.