- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
Eman: Gobierno a bira e rumbo—awor impacto real ta conta, no solamente cifra
ORANJESTAD - Prome Minister Mike Eman a comparti cu e prome aña di gobernacion di coalicion AVP–Futuro a marca un cambio importante: di enfoke riba cifra macroeconomico, pa impacto real den bida diario di ciudadano.
Gobierno a pone prioridad riba grupo vulnerabel, manera pensionadonan y esnan cu ta depende di asistencia social, cu medidanan concreto manera aumento di pensioen y apoyo pa gastonan basico y scol.
Tambe tin plan pa subi salario minimo gradualmente te nivel di subsistencia, den colaboracion cu sector priva, pa sigura cu trahadonan por cubri nan necesidad basico sin pone presion excesivo riba negoshinan.
Ademas, limpiesa den bario a bira un tema clave, cu plan pa crea puntanan permanente unda ciudadano por dispose di desperdicio gratis, cu meta pa reduci dump ilegal y mehora calidad di bida.
Rotonde di Noord awor ta carga e nomber “Rotonde Ovito Tromp”
ORANJESTAD - E rotonde nobo na Noord awor ta yama “Rotonde Ovito Tromp”, den honor di e lider di comunidad cu a laga un gran legado. Durante inauguracion, famia y lidernan a destaca su impacto den enseñansa, deporte y desaroyo di bario Noord.
Stephany Sevinger riba sentencia di su tata Benny : “E ta un dolor cu mi no ta desea pa niun hende”
ORANJESTAD – Den un declaracion carga cu emocion y determinacion, parlamentario Stephany Sevinger (AVP) a papia abiertamente riba e impacto personal y politico cu e reciente sentencia contra su tata tabatin riba e y su famia. Esaki a sosode recientemente durante un reunion publico di Parlamento, despues cu su tata a keda sentencia pa Hoge Raad.
Wyatt-Ras: Aruba a perde control contra violencia, adiccion y salud mental hopi tempo caba
ORANJESTAD – Aruba a perde control hopi tempo caba contra violencia domestico, addicion y salud mental. E mandatario encarga cu salud y asuntonan social drs Mervin Wyatt-Ras durante e programa Noticiacla LIVE cu periodista Tito Laclé, a reconoce cu Aruba ainda no tin control total riba problema nan serio manera violencia domestico, adiccion y salud mental. De echo, e la confirma cu Aruba a perde e bataya aki basta tempo caba. Laclé a plantea e pregunta directamente, referiendo na aumento di casonan desde 2020 y e percepcion den sociedad cu e pais por lo a perde e bataya contra e problematica aki. Den su contesta, e minister a reconoce cu e situacion ta serio y estructural. “Si, maltrato y abuso ta un problema cu cada biaha ta bira mas visibel. Ta un problema structural,” Wyatt-Ras a declara.
Wever: Gobierno ta actua pa proteha poder di compra contra subida di petroleo
ORANJESTAD - Minister Geoffrey Wever a bisa den Parlamento cu Aruba ta enfrenta impacto serio di subida di prijs di petroleo y tensionnan geopolitico mundial, pero Gobierno AVP-FUTURO ta actua proactivo pa proteha economia y poder di compra di ciudadano nan.
Ministerio di Salud a completa traspaso oficial di Hospital Horacio Oduber 'renoba'
ORANJESTAD – E Ministerio di Salubridad, na nomber di Land Aruba, a realisa e traspaso oficial di Hospital Dr. Horacio Oduber (HOH), un momento sumamente importante pa comunidad di Aruba y pa desaroyo di e sistema di salud. E acto a tuma luga den colaboracion cu Stichting Onroerend Goed Aruba (SOGA), Aruba Investment Bank (AIB) y Dienst Openbare Werken (DOW).
Van der Burg: Un ministerio dedica pa Reino y Union Europeo ta yuda Aruba avansa
ORANJESTAD – Durante un programa recien Noticiacla LIVE cu periodista di Noticiacla, Tito Laclé, secretario di estado hulandes Eric van der Burg a mustra su apoyo pa e creacion di un direccion y ministerio dedica na Relacionnan di Reino y Union Europeo.\ Segun Van der Burg, e iniciativa ta un paso positivo pa Aruba, paso e ta mustra claramente cu e pais kier mantene y fortalece contacto directo cu Union Europeo. “Esaki por yuda pa habri caminda pa fondo europeo no solamente pa Aruba, pero tambe pa paisnan bisiña,” e la indica.
Follow NoticiaCla
