World Baseball Classic 2026 e aña aki ta excepcionalmente fuerte

MIAMI – E di seis edicion di e World Baseball Classic lo bira e torneo internacional di baseball cu e mihor participacion te awo. Major League Baseball a confirma cu tur paisnan top lo participa cu nan streanan. mas grandi E seleccionnan definitivo di e binti paisnan participante, incluyendo Hulanda, lo wordo anuncia riba 5 di februari. E torneo ta conta como e campeonato mundial no oficial di baseball y lo wordo hunga for di 5 te 17 di mart na Miami. Hulanda ta participa pa di seis biaha como Reino team, bou di liderazgo di e coach nashonal Andruw Jones. Oranje ta clasifica den Grupo D hunto cu Venezuela, Nicaragua, Israel y Republica Dominicano. Maske e seleccion definitivo ainda no ta establece, ta spera cu varios profecionalnan conoci lo participa, entre nan Xander Bogaerts, Kenley Jansen, Ceddanne Rafaela y Ozzie Albies.

PREPARACION

E preparacion lo tuma lugar na Sarasota (Florida) cu weganan di practica contra timnan di club di Baltimore Orioles riba 3 di mart y Tampa Bay Rays riba 4 di mart. E team si Reino lo habri e torneo riba 6 di maart na Miami contra Venezuela, sigui pa weganan contra Nicaragua (7 di maart), Republica Dominicano (8 di maart) y Israel (10 di maart).

E dos mihor paisnan for di e grupo lo clasifica pa e cuartofinalnan; si ta clasifica, Miami lo keda e ciudad di hunga.

Hulanda a logra sorprende y yega semifinal den 2013 y 2017 di e WBC. Den e ultimo edicion di 2023, e team a keda elimina den promé ronda.