Polis na chauffeur cu a hit & run den Bernardstraat: Entrega bo mes!

Posted on 01/9/2026 5:39 am AST | Updated on 01/9/2026 2:06 pm AST

SAN NICOLAS - Cuerpo Policial diahuebs anochi a haci un yamada urgentee na chauffeur cu a hit & run den Bernardstraat: Entrega bo mes! Esaki ta otro caso den menos di un siman, unda cu un automobilista ta atropeya un peaton y ta sigui core bay envez di para na e sitio. Tabata diahuebs pa 9:20 di anochi cu Central di Polis a wordo notifica cu dilanti Warda di Polis San Nicolas un auto a dal un peaton crusando caminda.

Polis a mobilisa mesora y a bay wak e situacion y ta bin topa cu un hende homber riba caminda y cu no tabata reacciona.

A pidi pa ambulance cu maximo urgencia na e sitio di sucedido. Na yegada di ambulance e personal a duna e victima assistencia medico y a stabilis’e. A transport’e cu maximo urgencia pa Hospitaal na unda varios patruya a cera varios caminda principal pa asina e victima por yega liher y sigur pa haya su tratamento medico.

Specialista di trafico y polis technico a presenta na e sitio pa haci na investigacion.

Departamento di slachtofferhulp tambe a wordo poni na altura pa brinda e sosten.

Mester bisa cu e situacion di e victima ta hopi critico, y polis a pidi pa oracion y sanacion pa e victima. Na final atrobe, a suplica na e chauffeur di e auto cu a dal e peaton, presenta na Warda di Polis y para responsabel pa su acto. “No por laga un hende benta abou pa su cuenta. E ta un ser humano y awor luchando pa su bida!”

Cuerpo Policial ta haci un apelacion pa esun cu por a wak algo of sa algo yama e tiplijn di polis cu ta 11141. Bo ta keda anonimo.

Varios motorcicleta confisca durante control pa parada di fantasia di San Nicolas
ORANJESTAD- Dialuna mainta, Cuerpo Policial a informa cu diadomingo merdia prome cu parada di Fantasia Unidad Motorisa di Cuerpo Policial Aruba tabata tin nan control den trafico dirigi riba brommernan tambe auto.
Mas Polis
Lesa Mas
Polis a parti mas di 60 multa pa chauffeur cu a core cu velocidad halto diasabra
ORANJESTAD - Diasabra anochi polisnan di districto di Oranjestad a tene un control di trafico un biaha mas na diferente puntonan strategico.
Mas Polis
Lesa Mas
Wardacosta ta en busca di dos homber perdi riba laman na caminda pa Aruba
ORANJESTAD - Centro di Operacionnan Maritimo (MOC) di Wardacosta diadomingo a raporta cu nan a risibi un informe diaranson anochi ultimo cu un boto cu dos persona abordo ta perdi riba lama. E dos hombernan, un Mericano y un Hondureño, a sali for di Republica Dominicana rumbo pa Aruba diamars atardi y no a yega.
Mas Polis
Lesa Mas
Polis a parti mas di 60 multa na chauffeurnan durante control diabierna
ORANJESTAD - Diabierna den oranan di anochi Polis di Districto di Oranjestad a tene un control pisa di trafico. Na diferente puntonan strategico a haci diferente control tambe a constata varios infraccion den trafico.
Mas Polis
Lesa Mas
Turista bebi, sorprendi cu polis a lague bay despues cu a causa accidente cu motorcycle marduga
ORANJESTAD – A base di e analisisnan cu Noticiacla a saca riba e situacion di trafico, a haya hopi reaccion. Un di nan cu a hala atencion, ta un caso unda cu un turista burachi a causa un accidente ora cu e la alcansa un motorcicilista den oranan di marduga. Den e caso aki, a compronde cu polis despues di e accidente, a laga e turista bay, aunke cu e tabata bebi, a yama un taxista p’e y mande pa su hotel. E turista a keda sorprendi cu e polis no a detene e turista mirando su estado. E turista a comenta cu e no ta compronde con bin e la sali liber di esey y cu ‘e tabata lucky’. Pero asina tin mas caso awor ta bin dilanti unda cu polis aparentemente ta bay hopi suave cu turista, pasobra ta turista y no lo kier daña nomber di nos isla. NOTA. E potret no ta di e caso specifico, pero un dramatisacion basa riba e informacion ricibi.
Mas Polis
Lesa Mas
Pa di dos dia sigui, un turista ta haya problema den laman y fayece
ORANJESTAD – Pa di dos dia tras di otro, un turista ta bira malo na laman y fayece. Diaranson tabata na high rise hotel, y awe diahuebs mainta tabata na Mangel Halto. Pa esun di awe, diahuebs, pa 10:32 di mainta central di polis a wordo notifica door di Algemeen Centrale (911) cu na Mangel Halto un turista masculino lo a haya problema den lama y no ta reacciona. Polis y ambulance a presenta cu maximo urgencia na e sitio di e sucdido. Na yegada di polis y ambulance ta topa dos persona cu tabata reanima e victima band’i lama. Personal di ambulance a tuma over y a sigi cu reanimacion. Pero lamentablemente no por a haci nada mas pa e persona.
Mas Polis
Lesa Mas