Air Antilles atrobe a keda na tera despues di falta serio den cumplimento di regla di seguridad

MARIGOT  – Aerolinea Frances Antiano Air Antilles mester keda na tera pa awor, despues cu autoridad di aviacion Frances (DGAC) a detecta falta serio den cumplimento di seguridad den operacion di e compania. Permiso di operacion di Air Antilles a wordo suspende inmediato diamars, cu ta nifica cu tambe bende di boleto ta prohibi di inmediato. Pasaheronan ta wordo transferi, unda posibel, riba buelonan di competidor Air Caraibes. E compañia ta haya un luna pa implementa tur mehoracion necesario. Air Antilles tabata hopi tempu un socio importante di Winair cu su base na Sint-Maarten, pero den ultimo aña a pasa den un situacion hopi dificil.

Despues di bancarrota di compania madre Caire den augustus 2023, Air Antilles a haya un comienso nobo na juni 2024, door di un inyeccion di capital for di gobierno di parti Franses di Sint-Maarten.

La Collectivite Saint-Martin, huntu cu otro socio, a tuma e accionnan pa asegura cu trafico aereo entre islanan chikito keda operando manera sigur.