ATA a organisa entrenamiento pa industria di viahe na Bogota pa yuda crece turismo latino

BOGOTA - Aruba ta sigui amplia su presencia den mercado Latinoamericano cu un evento di entrenamiento pa industria di viahe na Bogota. E evento, organiza dor di Aruba Tourism Authority, tabata enfoca riba fortalece relacion cu agencianan di viahe y profesionalnan di turismo den Colombia y regionnan rond. E iniciativa tabata diseña pa duna experto di viaje mas informacion nobo tocante oferta di Aruba, y asina fortalece posicion di isla den turismo y e relacion cu mercado Latinoamericano. E evento den Bogota ta parti di e esfuezonan continuo pa laga mercado Colombiano, cu tin interes crece den viahe internacional, mira Aruba como un opcion principal pa relajacion, romance y aventura.

ENTRENAMENTO RIBA ATRACCIONNAN Y SERVICIO UNICO DI ARUBA

E evento pa agencianan di viaje a presenta un bista amplio riba tur loke Aruba tin pa ofrece. Presentacionnan a pone enfoke riba resortnan di clase mundial, acomodacion di luho y un variedad grandi di actividadnan den awa y riba tera.   Agencianan di viaje a haya informacion tocante festival local, gastronomia y lugarnan historico. Nan a haya tambe detaye di atraccionnan conoce manera Aruba National Park Arikok, Palm Beach y capital Oranjestad. E sesionnan tabata pa prepara agencianan di viaje cu tur material cu nan mester pa promové Aruba eficientemente: broschura, material promocional y informacion tokante paquete di buelo y estadia.

FORTALECE POSICION DI ARUBA DEN MERCADO LATINOAMERICANO

Mercado Latinoamericano, especialmente Colombia, ta bira un region mas importante pa turismo. Colombiano ta mustra mas interes den destinacionnan Caribeño y Aruba, cu su cercania y atractivo natural, ta un eleccion popular. Autoridadnan di turismo ta traha na fortalece colaboracion cu agencianan y operador di tour den henter Latin America, pa mantene Aruba riba top den mente di biahadornan. E evento den Bogota a crea mas conectividad y mas oportunidad mientras turismo for di Colombia, Venezuela y Brazil ta mostra un crecemento notable.