Surnam ta topa Bolivia na maart den ultimo chens pa clasifica pa mundial di futbol

PARAMARIBO - Surnam lo enfrenta Bolivia den e play-offnan pa clasificashon pa copa mundial di futbol 2026. Esaki ta segun un loteria di FIFA cu a tuma luga aworaki den Zurich, Zwitserland. E play-offnan lo tuma luga entre 23 y 31 di maart den Guadalajara y Monterrey na Merca. Si e team di bondscoach Stanley Menzo logra elimina Bolivia den semifinal, e final lo wordo hunga contra Irak. Bolivia a termina den septimo luga den clasificacion sudamericano pa e copa mundial y asina a logra un luga den e play-off intercontinental. E otro participante nan ta Republica Democratica di Congo, Jamaica y Nieuw-Caledonie; di esnan tambien un lo bai pa WK.

DECEPCION CONTRA GUATEMALA

Surnam tabata por a sigura clasificacion directo pa e copa mundial diumars cu un victoria contra Guatemala, pero e partido a bira un decepcion. E team di Menzo a perde cu 3-1, y tabata precisamente e un gol di Suriname cu a lanta nan esperanza pa keda participa den play-offnan. E play-offnan ta e ultimo oportunidad pa Suriname pa logra un pas pa e WK.