Verstappen no por gana e titulo mundial di F1 na Las Vegas, pero por perde: “Mester hopi suerte”

LAS VEGAS – E coredo hulandes di Formula 1, Max Verstappen no por gana e mundial den fin di siman na Grand Prix di Las Vegas, pero e por perde. Si e lider di F1 Lando Norris a haya dies punto mas cu Verstappen, Verstappen lo perde su titulo y despues di cinco aña lo tin un otro campeon mundial di Formula 1. Un victoria di e coredor di McLaren y un tercer posicion pa Verstappen ta suficiente pa cambia e situacion. E cuentanan matematico aki no ta interesa  e coredor 4 biaha campeon hopi. Tocante su atraso di 49 punto tras di Norris, Verstappen ta bisa: “Esaki ta hopi punto. E no ta cambia su manera di acerca e carrera den e ciudad di bishita unda e a gana den 2023 y a termina cinco aña pasa. “No tin nada cambia. Mi no ta pensa riba dje, pues mi mes no por cambia gran cosa. Nos mester hopi suerte pa tin un chens.” Den e ultimo tres weekend nan di temporada, cu tambe tin un sprint na Qatar e siguiente siman, tin total 83 punto disponibel. Pa Verstappen por tapa e diferencianan di 49 punto, tur cos mester sali bon pa dje y hopi mal pa Norris. Pero esaki no ta probabel, pasobra despues di su salida forzoso na Zandvoort, e hungador di 26 aña a subi podio cinco biaha den seis carrera y a gana e ultimo dos grands prix den Mexico y Brasil.

FUERA DI ALCANCE

Pa Verstappen, e di cinco titulo ta parce fuera di alcance, y 2025 lo keda marca — si no tin un milager — como un temporada di sentimiento mescla. “Naturalmente mi a gusta e momentonan bon y e victorianan, pero e carrera cu no a sali bon tabata hopi dificil. Bo ke lucha pa titulo y nos no a logra lucha manera nos tabata desea,” e ta bisa cu resignacion.