E meta di AHATA tabata pa hala atencion di ATA y trece cambio

E meta di AHATA tabata pa hala atencion di ATA y trece cambio

Posted on 06/23/2016 11:26 pm AST | Updated on 06/24/2016 6:57 am AST

ORANJESTAD - E zet di AHATA pa retira 'en bloc' for di e hunta di supervision di ATA no tabata un acto isola, ni un acto di cada miembro individual. Fuentenan cerca di e proceso a papia a base di anonimidad, debi na regla di confidencialidad. A compronde cu e loke a sosode diaranson tabata un acto delibera pa mustra ATA e malcontento cu AHATA tin pa cu e maneho ultimo tempo den ATA. Y den e caso aki, enberdad e asunto di All Inclusive lo tabata e ultimo gota. 

DESICION DURANTE REUNION

A compronde cu tabata durante un reunion diaranson merdia cu AHATA su miembronan, a tuma e desicion y a acorda eynan cu e 3 miembronan di e hunta di supervision lo a entrega nan retiro 'en bloc', causando un situacion cu lo a hala e atencion suficientemente di ATA y pa asina mustra cu e situacion actual no por a continua. Mientras cu en berdad e operacion di ATA por continua temporalmente, ta conoci cu e situacion ta di tal constelacion cu e operacion den ATA no por continua asina pa largo. Y esey AHATA aparentemente ta bon na altura di dje.

DESICIONAN SIN CONSULTA 

Segun e fuentenan a sigui mustra, algun di e problemanan ta e forma con den ATA tin desicionan ta tumando lugar sin cu AHATA su miembronan di supervision lo tin influencia ariba of ta wordo consulta ariba. Desicionan financiero cu lo a tuma lugar, cu AHATA no ta di acuerdo cu ne. Sumanan di placa cu ta wordo aproba, solamente cu aprobacion di e miembronan di gobierno y e presidente, lagando e miembronan di AHATA afo, y cu a wordo cuestiona. 

FALTA DI RESPET PA MINISTER 

E falta di respet ultimo tempo pa cu AHATA di e mandatario di turismo, tambe AHATA lo tin problema cu ne, unda cu ta mustra cu tin un tipo di powerplay politico tumando lugar, mientras cu AHATA ta purbando di mustra cu e situacion actual no ta bayendo den bon direccion. Como tal, a mustra cu no a keda AHATA nada otro di bin cu un accion asina pa haya atencion serio di ATA y purba asina di mustra cu cos no por a sigui manera cu e tabata. Pues si tabatin cualkier duda cu e tabata un acto independiente, esey no ta e caso. 

NO KIER PERHUDICA TURISMO

NoticiaCla.com a compronde cu e intencion di AHATA no ta pa pa perhudica turismo di Aruba, sino mas bien trece cambio den e forma cu ATA ta wordo maneha y cu nan por tin un 'voz' manera cu e structura a wordo formula 5 aña pasa. Ta conoci cu AHATA a bay di acuerdo cu e structura di un ATA S.G, y cu fondonan di AHATA por bay pa ATA contal cu AHATA haya asiento den e hunta pa asina nan tambe por tin algo di bisa di e fondonan cu AHATA ta contribui cu ne. 

  • SIMAR positivo di e prome reunion cu minister nobo di enseñansa

    SIMAR positivo di e prome reunion cu minister nobo di enseñansa

    ORANJESTAD – Sindicato di maestro Simar a keda satisfecho despues di nan prome reunion cu minister nobo di enseñansa Endy Croes. Segun e presidente di e sindicato, Josephine Albertus, nan tabata agradecido cu e mandatario a atende cu nan a corto plazo. Enseñansa ta un di e areanan cu mas mester di atencion awor, y esey tabata un di e ministerionan mas mira pa wak con esaki lo keda atendi. Riba e prome dia di trabou, e mandatario encarga a dicidi di topa cu nan y habri caminda pa un dialogo. “Simar ta contento di tende cu nos minister di enseñansa su portanan ta habri pa nos veld di ensenjansa y pa cuminsa sondea posibilidadnan pa trece trankilidad bek den enseñansa” Albertus a bisa finalmente. No a logra nada concreto ainda, pero esaki ta un comienso. 

  • Aruba a registra 25 caso positivo nobo di Covid19 awe

    Aruba a registra 25 caso positivo nobo di Covid19 awe

    ORANJESTAD - Segun resumen di awe 19 persona a recupera y un total di 25 caso nobo di COVID-19 a keda registra di cual 3 ta no-residente. E cifranan aki ta representa un 'Positivity rate' bou di nos residentenan di 10%. E cantidad di casonan activo di COVID-19 pa awe ta  271 y cantidad di fayecidonan relaciona cu COVID-19 ta 159. Datos ta ilustra casonan nobo di COVID cu un average semanal di 31 caso pa dia y un averahe di 'positivity rate' semanal di 12% pa dia.

  • Awe nochi den Noticiacla LIVE, Desiree Croes ta toca e tema di gay na Aruba

    Awe nochi den Noticiacla LIVE, Desiree Croes ta toca e tema di gay na Aruba

    ORANJESTAD – Awe nochi conocido abogado y activista pa e movemento di hendenan considera como LGBT (Lesbians, Gays, Bi-Sexual, Transgender), mr Desiree Croes ta papia abiertamento riba e tema, incluyendo e cambionan di ley recien, y cierto veredicto recien riba e tema. Con Aruba ta para ariba e tema di gay, con e veredictonan recien ta afecta nos, y su experiencia personal riba e tema, y como ex politico. Awe nochi e programa ta cuminsa pa 9’or di anochi riba e plataforma di noticiacla. 

  • Deportista Rechenell Statie: Un gobierno no por crea un sociedad fuerte su so!

    Deportista Rechenell Statie: Un gobierno no por crea un sociedad fuerte su so!

    ORANJESTAD – E hoben deportista Rechenell Statie cu a accidenta gravemente cu Bicicleta 4 aña pasa, a presenta un discurso dialuna atardi na occasion di e huramentacion di e 8 ministernan di gabinete Wever Croes II. E tema tabata “E vision pa mi pais” unda cu e ta toca e aspecto di bida cu e kier wak pa su pais. Gobierno a opta pa laga e papia, mirando e fe cu e hoben aki tin pa biba, cu a pone sigui cu su lucha pa ta bek riba pia. 

  • Andrade: Abogado a conseha pa no apela sentencia riba caso di portafoon di polis

    Andrade: Abogado a conseha pa no apela sentencia riba caso di portafoon di polis

    ORANJESTAD – Riba conseho di nan abogado (mr Chris Lejuez), periodista Nelson “Speed” Andrade a dicidi cu nan no ta bay apela e sentencia contra dje di 2 aña pasa unda cu nan a keda sentencia pa asunto di portafoon di polis, den caso Kinikini. Y segun Andrade, nan tambe a dicidi cu no ta bay gasta placa na defensa mas, y lo cumpli cu e sentencia di haci trabou comunitario. Asina el a declara durante su programa radial Enfoke dialuna merdia. E la sigura durante e programa, cu e no a horta radio di polis y cu na su cas nunca nan no a haya radio di polis tampoco. Sinembargo, asina mes a sentencia e periodista. E no a atende e parti ey, cu no obstante e parti cu e ta sigura cu e no tabata envolvi, toch a haya un sentencia. E ta considera cu loke Ministerio Publico a haci cu ne, door di hasta detene 2 dia, inhusto y no a sconde su rabia contra e instancia aki. “Pesey mi no tin confiansa den Ministerio Publico” Andrade a bisa. El a confirma tambe cu mientras cu e tabata den su programa, el a haya un dagvaarding pa presenta como testigo den e caso cu si ta sigui contra e polis Rasmijn mayan diamars mainta 9’or y mei. 

  • DVG: Di cada 10.000 persona no vacuna, 16 a fayece di Covid19

    DVG:  Di cada 10.000 persona no vacuna, 16 a fayece di Covid19

    ORANJESTAD - For di cuminsamento di juli 2021 di cada 10.000 persona no vacuna, 16 a fayece di Covid19. Asina departamento di salud a informa dialuna. Segun DVG, desde cu e variante Delta a haci su entrada na Aruba, hopi lihe e variante aki a causa preocupacion ora ela plama causando un brote grandi di casonan di COVID-19. 

  • Powered by SETAR