Chando y Ginelly ta lansa “Eternidad” cu contribucion di KD di Basic One

ORANJESTAD — E duo musical Arubano Chando Held y Ginelly a lansa dia 10 di november e videoclip di nan cantica “Eternidad”, cu contribucion di KD di Basic One. E video a wordo produci pa Jhon el Gayo.

E cantica ta toca e tema di despedida y su significado personal pa e dos artistanan. “Eternidad” ta forma parti di nan EP “Paga Tera”, un proyecto di hiphop cu a cuminsa durante pandemia di COVID-19.

Cu nan musica, Chando y Ginelly ta combina letra poderoso cu reflexion riba historia di Aruba, pasado colonial y desigualdad social. E titulo “Paga Tera” ta referi na e condicionnan desigual cu personanan emancipa a sigui enfrenta despues di abolicion di sclavitud.

E EP completo lo ta disponibel entrante 20 di november 2026 riba canal di YouTube Chando Rib'e Track.