Programa ‘Mi Decision’ ta yuda studiantenan di Aruba scoge nan futuro

ORANJESTAD — Study Choice Program Aruba (SEA) a cuminsa oficialmente dialuna, 9 di november, cu e estreno di e obra di teatro educativo Mi Decision, dirigi na studiantenan di 4 HAVO y 5 VWO. Minister di Educacion, Gerlien Croes, tabata presente durante e apertura.

E programa tin como meta pa yuda hobennan haci un escogencia di estudio consciente y bon prepara pa nan futuro academico y profesional.

E obra di teatro ta stimula studiantenan pa reflexiona riba nan interesnan, aspiracionnan y e decisionnan cu nan mester tuma despues di termina scol secundario.

Despues di e presentacion, e studiantenan lo participa den dos tayer educativo, organisa na nan propio scol of na Universiteit di Aruba, pa profundisa nan orientacion di estudio.

Minister Croes a expresa su sosten na e iniciativa, destacando importancia di guia adecuado durante e transicion di scol secundario pa educacion superior.

Segun Ministerio di Educacion, e programa ta contribui na prepara hobennan Arubano pa tuma decisionnan responsabel tocante nan futuro.