MEP ta exigi debate parlamentario riba HOFA despues di dies peticion

ORANJESTAD — Fraccion di MEP ta exigi cu Presidente di Parlamento di Aruba yama un reunion publico pa trata e propuesta di Rijkswet HOFA, cu ta toca autonomia y futuro financiero di Aruba. Segun MEP, apesar di dies peticion desde maart 2026, e reunion ainda no a wordo convoca.

E partido ta indica cu su prome peticion a wordo presenta dia 20 di maart, mientras cu e di dies rappèl a wordo manda dia 5 di november.

MEP ta sostene cu, conforme Reglement van Orde di Parlamento, Presidente ta obliga pa convoca un reunion ora por lo menos tres parlamentario solicita esaki. Segun e fraccion, e reglamento no ta permiti Presidente di Parlamento di sigui rechasa e peticion.

Durante un bishita di un comision permanente di Parlamento Hulandes na october, segun MEP, e delegacion tambe a enfatisa cu debate riba HOFA mester tuma luga na Aruba mes, considerando importancia di e tema pa autonomia y futuro financiero di pais.

MEP ta exigi cu Presidente di Parlamento convoca e reunion sin mas demora. E partido a manda un copia di su carta na Gobernador di Aruba.