Awacero fuerte ta causa inundacion y daño na vivienda na Aruba

ORANJESTAD — E awacero fuerte di dialuna mainta a causa inundacion y daño na diferente vivienda na Aruba, particularmente den areanan manera San Fuego, Savaneta y San Nicolas.

Prome Minister Mike Eman a bishita diferente famia afecta, incluyendo residentenan di Bernhardstraat y ex-Gobernador Fredis Refunjol, kende su vivienda tambe a sufri consecuencia di e awacero.

Durante su bishitanan, Eman a destaca e solidaridad di bisiñanan y famianan cu a uni forsa pa saca awa for di casnan y habri salida pa e inundacion.

Cuerpo di Bombero, Polis y otro instancianan di emergencia a mobilisa pa evalua e dañonan y brinda asistencia. Tambe a solicita apoyo di departamento di maneho di crisis.

Segun Eman, e colaboracion entre comunidad y instancianan publico ta fundamental pa atende cu e consecuencia di e awacero y yuda famianan afecta.