Sinterklaas ta yega Aruba 15 di november cu mas di 100 Piet

ORANJESTAD — Diadomingo 15 di november 2026, Sinterklaas lo yega Aruba acompaña pa mas di 100 Piet, cu un programa festivo den centro di Oranjestad. E celebracion lo inclui yegada den barco, un recorido cu tram y actividadnan special pa muchanan na Plaza Nikki Habibe.

E portanan di Cruise Terminal, Gate 5, banda di Welcome Plaza, lo habri pa publico pa 2:00 di atardi. Ta spera cu Sinterklaas su barco lo yega na waf pa 3:00 di atardi.

Despues, Sinterklaas y su Pietnan lo haci un recorido cu ARUTRAM door di centro di Oranjestad, pasando pa Weststraat, Havenstraat, Kazernestraat y Caya G.F. Betico Croes.

Pa 4:00 di atardi, e caravana lo yega na Plaza Nikki Habibe, caminda lo tin show, baile, wega pa muchanan y oportunidad pa saca potret cu Sinterklaas. E programa lo continua te 6:00 di atardi.

Organisadornan ta recomenda mayornan pa percura pa proteccion contra solo, suficiente awa y siguridad di nan yiunan durante e celebracion.