Gabinete Jetten ainda sin mayoria pa aproba plan di impuesto

DEN HAAG — Gabinete minoritario di Rob Jetten no a logra un acuerdo cu shete partido di oposicion pa obtene apoyo pa su plan di impuesto. E negociacionnan a termina sin resultado, mientras e presion di tempo ta aumenta.

Diamars e plan mester wordo presenta na Tweede Kamer, caminda e debate ta programa pa diaranson y votacion pa 12 di november.

ChristenUnie y 50Plus ta mira algun progreso den negociacionnan, pero Pro y Volt ta critica Gobierno pa falta di concesionnan. JA21, SGP y BBB ainda ta dispuesto pa negocia, pero nan ta exigi cambionan riba diferente tema politico.

Sin mayoria parlamentario, e futuro di e plan ta incerto. E medidanan fiscal ta programa pa drenta na vigor 1 di januari 2027, pero prome nan mester pasa tambe den Eerste Kamer.