Polis a duna 95 boet y detene 7 persona diabierna pasa

ORANJESTAD — Polis di Oranjestad a controla mas cu 400 auto, duna 95 boet y detene siete persona durante controlnan di trafico y listramento preventivo diabierna pasa, 30 di october. E accion a cuminsa atardi y a sigui te den oranan di madruga.

E boetnan tabata relaciona, entre otro, cu rijbewijs, impuesto di vehiculo, seguro y keuringskaart. Dos persona a wordo deteni pa falta di permiso di estadia, dos pa maneha bao influencia y un pa posecion di marihuana.

Polis di Unidad Motorisa a detene un chauffeur despues di haya un skinop (boksbeugel) den su auto. Durante controlnan adicional den barionan y establecimentonan nocturno, a detene un persona pa posecion di municion. Tambe a confisca huls, machete, sker y droga.

Polis a anuncia cu e controlnan lo continua e siguiente dia, diasabra 31 di october, durante nochi di Halloween. E cuerpo ta recorda chauffeurnan pa tene nan documentonan valido y pa no stuur si nan a bebe alcohol.