BP ta registra ganashi di $8,5 miljard pa motibo di prijs halto di energia

LONDON — Compañia petrolero Britanico BP a registra un ganashi di $8,5 miljard den ultimo kwartaal, su resultado di mas halto den 18 aña y casi cuater biaha mas cu un aña pasa. E ganashi excepcional ta resultado di e prijsnan halto di petroleo y gas desde cuminsamento di guera contra Iran na februari. E conflicto a interumpi suministro di energia for di Medio Oriente y afecta refinerianan, aumentando e ganashi di compañianan cu ainda ta procesa petroleo. Shell tambe a anuncia un ganashi trimestral di mas cu $12 miljard, mientras cu TotalEnergies a registra mas cu $9 miljard. Na Europa, prijs di gas a subi di menos cu €30 pa mas cu €102 pa megawatt pa ora. E ganashinan enorme ta genera discusion politico na Hulanda y otro paisnan tocante posibilidad di cobra impuesto adicional riba ganashi extraordinario di compañianan petrolero.