Netanyahu dilanti, pero sin mayoria

JERUSALEM — Cu 70% di voto conta, e bloque di Benjamin Netanyahu ta dilanti den eleccion na Israel, pero ni su bloque ni oposicion ta logra un mayoria den Parlamento.

Partido Likud di Netanyahu ta riba caminda pa bira e partido mas grandi. Netanyahu ta pidi un gobierno fuerte di derechi, mientras cu oposicion ta insiste cu votadornan kier un cambio di liderato.

Partidonan di e minoria Arabe a logra un cantidad record di asiento y por bira decisivo den formacion di un gobierno. Parlamento di Israel, Knesset, tin 120 asiento y tradicionalmente ta depende di coalicionnan pa forma gobierno.