Capacitacion specialisa pa discapacidad intelectual leve na Aruba

ORANJESTAD — Fundacion Siñami Paso pa Paso Aruba ta organisa un programa intensivo di capacitacion pa profesionalnan cu ta traha cu persona cu discapacidad intelectual leve (LVB). E programa lo tuma luga di 16 te cu 27 di november 2026, cu participacion di expertonan internacional for di Hulanda.

E capacitacion, organisa a traves di LVB-Kenniscentrum Aruba, ta enfoca riba identificacion y acompañamento di persona cu discapacidad intelectual leve. Entre e temanan ta trauma, comportamento, comunicacion, explotacion, trafico di hende, cyberbullying y transicion di scol pa empleo.

Prof. Dr. Xavier Moonen y Dr. Gabriëlle Mercera lo ta personalmente na Aruba pa dirigi parti di e capacitacion, mientras cu otro expertonan Hulandes lo participa online.

E programa ta destina na profesionalnan den educacion, salud, sector social y laboral. E meta ta fortalece conocimiento local y prepara participantenan pa comparti loke nan a siña den nan propio organisacion.

E cursonan lo tuma luga na Van Leeuwenhoekstraat 2, Oranjestad, generalmente di 9'or di mainta te 1'or di merdia. Cupo ta limita y inscripcion pa curso individual ta posibel.