Kane y Putellas gana Ballon d'Or 2026

LONDEN — Harry Kane di Bayern München y Alexia Putellas a wordo proclama e miho hungadornan di futbol na mundo durante e gala di Ballon d'Or 2026 na Londen. E ceremonia a bira un celebracion di futbol Spaño, cu casi tur e otro premionan importante a bay pa hungado y entrenador di Spaña.

Kane (33) a supera Kylian Mbappé y Lamine Yamal den votacion. E delantero Ingles a marca 61 gol pa Bayern München den e temporada anterior y a yuda su club conquista tres titulo na Alemania. E ta e prome Ingles cu ta gana Ballon d'Or desde Michael Owen na 2001.

Putellas a conquista e premio pa di tres biaha, despues di 2021 y 2022. Cu 21 gol y 13 asistencia, el a contribui na e cuatro titulonan di Barcelona, incluyendo Champions League.

Lamine Yamal y Vicky López, tur dos di Barcelona, a gana e premionan pa miho talento hoben. E talento Hulandes Veerle Buurman no a logra gana e premio femenino.