Minister Croes ta impulsa enseñansa multilingual na Aruba

ORANJESTAD — Ministerio di Educacion, bou di direccion di Minister Gerlien Croes, hunto cu Instituto Pedagogico Arubano (IPA) y prof. dr. Joana Duarte di Universidad di Groningen, ta organisa un siman di capacitacion pa enseñansa multilingual, di 19 pa 22 di october 2026.

E programa ta forma parti di Learning Cities y ta marca e prome fase di un trayectoria di varios aña pa mehora calidad di enseñansa na Aruba.

Maestronan y cabesantenan di scol ta ricibi entrenamento practico den translanguaging, un metodo cu ta combina Papiamento, Hulandes, Spaño y Ingles den proceso di siñamento.

E capacitacion ta enfoca riba ampliacion di vocabulario, lesamento, matematica y comunicacion, cu e meta di aprovecha e idiomanan cu alumnonan ya conoce.