Carchinan pa Aruba Caiso & Soca Monarch 2027 Prefinals ya ta na benta

ORANJESTAD — Stichting Musica a anuncia cu carchinan pa Aruba Caiso & Soca Monarch 2027 (ACSM27) su Soca Prefinals, cu lo tuma luga dia 11 y 12 di november 2026 na Centro di Bario Brazil, ya ta disponibel via Pay.aw.

Entrada pa un anochi ta costa Afl. 25, mientras un pakete pa tur dos anochi ta Afl. 40, obtenibel solamente via Pay.aw. Carchinan lo ta na benta tambe na porta, cu lo habri pa 7'or di anochi.

E eventonan aki lo marca cuminsamento di temporada di Carnaval cu musica Soca.

Stichting Musica ta recorda artistanan y band leaders cu registracion pa participa ta habri te cu 29 di october 2026. Pa mas informacion: stichtingmusica@gmail.com.