Mercado na Noord ta ofrece producto local y mata pa Afl. 5

NOORD — Centro di Bario Noord ta organisa un Mercado di Agricultura y Alimentacion diabierna 16 di october, di 10:00 di mainta pa 2:00 di merdia. Bishitantenan por cumpra fruta, berdura y otro producto local, ademas di mata pa Afl. 5.

E actividad ta forma parti di conmemoracion di Dia Mundial di Agricultura y Alimentacion. E meta ta duna cunuceronan y productornan di Aruba un plataforma pa bende directamente na publico y duna mas visibilidad na nan trabou.

Centro di Bario Noord ta invita comunidad pa conoce e oferta local y sostene produccion di alimento na Aruba.