Registracion pa Caiso & Soca Monarch ta cera 21 di october

ORANJESTAD — Registracion pa Aruba Caiso & Soca Monarch 2027 ta habri te cu 21 di october 2026. E Soca Prefinals lo tuma luga dia 11 y 12 di november na Centro di Bario Brazil, como inicio musical di Carnaval 73.

Pa participa den Soca Prefinals, cantante mester tin por lo menos 18 aña na momento di registracion y un paspoort Hulandes of permiso di residencia valido hunto cu un ID valido. E costo di inscripcion ta Afl. 35.

Cantantenan por participa cu maximo un cantica, como solo, duo of trio. Registracion ta via e lider di banda, y cada cantante mester tin un banda pa acompañ’e.

Calypso Showdown ta programa pa 22 di januari 2027 y Soca Finals pa 23 di januari, tur dos na Aruba Carnival & Entertainment Village. Lidernan di banda por solicita reglamento y link di registracion via musicaaruba@gmail.com.