Aeropuerto ta renoba concesionnan sin proceso nobo di seleccion

ORANJESTAD — Aruba Airport Authority (AAA) a renoba e concesionnan pa servicio di asistencia na avion y pasahero riba tera cu Swissport y GenAir, sin habri un proceso nobo di seleccion. E acuerdonan ta drenta na vigor 1 di januari 2027.

Segun AAA, e decision ta basa riba un evaluacion amplio. E condicionnan nobo ta inclui exigencianan mas fuerte pa seguridad, calidad di servicio, personal capacita y ekipo moderno. E empresanan tambe mester pasa gradualmente pa vehiculo y equipo cu menos emision of cu ta funciona cu electricidad. AAA lo desaroya e infrastructura necesario.

AAA no a anuncia duracion di e concesionnan ni e condicionnan financiero. Tampoco ta cla si otro empresa tabatin interes.