Noruega ta prepara prohibicion temporal di meta bril cu inteligencia artificial, den lugarnan publico

OSLO — Gobierno di Noruega kier introduci un prohibicion temporal riba bril cu inteligencia artificial den cierto lugarnan publico, debi na preocupacion cu hende por wordo filma of fotografia sin nan sa.

E medida lo por keda aplica den parke, centro comercial, guarderia, speeltuin, hospital y kleedkamer. Gobierno ta considera tambe si universidadnan y scolnan superior mester cay bou di e regla.

E prohibicion temporal mester duna tempo pa investiga con e tecnologia ta afecta privacidad y pa prepara legislacion permanente. Un grupo di experto lo asesora Gobierno.

Noruega no ta busca un prohibicion completo. Uso priva lo por sigui permiti, mientras persona ciego of cu vision limita por haya excepcion si e tecnologia ta ofrece nan un beneficio importante.