Wardacosta ta intercepta boto cerca di Rodgers Beach cu tres persona indocumenta

ORANJESTAD — Wardacosta di Caribe Hulandes a intercepta un boto cerca di Rodgers Beach despues di un aviso tocante movecionnan straño riba lama. E boto tabata drief y personal di Wardacosta na Savaneta, cu sosten aereo coordina for di Corsou, a sali pa investiga.

Na bordo a haya tres persona indocumenta. E boto a wordo hiba pa Steunpunt di Wardacosta na Savaneta pa investigacion.

E tres personanan a resulta ta di nacionalidad Dominicano. Cu apoyo di Unit Mensenhandel en Mensensmokkel (UMM) y K-9 Unit di Cuerpo Policial Aruba, a controla e boto rigurosamente, pero no a haya nada particular.

E tres personanan a wordo entrega na Guarda Nos Costa, cu hunto cu UMM lo sigui cu e procedimentonan necesario.