Emilio ta bolbe Aruba cu su prosthesis despues di tratamiento specialisa

ORANJESTAD — Emilio van der Linde a regresa Aruba despues di completa un tratamento medico specialisa den exterior, caminda el a ricibi su prosthesis di pia cu apoyo y coordinacion di Aruba Shriners Club. Prome Minister Mike Eman y Minister Wendrick Cicilia a ricibi Emilio na Aeropuerto Internacional Reina Beatrix durante su regreso na Aruba.

Gobierno a destaca e rol di Aruba Shriners Club, cu den colaboracion cu Shriners International a sostene e proceso pa Emilio por haya e cuido y e prosthesis cu e tabatin mester. Segun Gobierno, esaki a representa e prome proyecto realisa door di un Shriners Club den Caribe.

E regreso di Emilio cu su prosthesis ta representa un momento importante pa su famia y ta mustra e impacto cu colaboracion entre organisacionnan boluntario y comunidad por tin den yuda personanan cu mester cuido medico specialisa.