TUI ta inicia vuelo Düsseldorf–Corsou dos biaha pa siman

DÜSSELDORF - TUI lo cuminsa vola entre Düsseldorf y Corsou durante proximo temporada di zomer, dos biaha pa siman, riba dialuna y diabierna. E ruta nobo lo wordo opera cu un Boeing 787 Dreamliner di TUI Nederland.

E conexion ta dirigi principalmente riba mercado Aleman, pero TUI ta conta tambe cu interes for di Hulanda. Tanto pasahero cu paquete di vakantie como esnan cu kier cumpra solamente un ticket por uza e buelo.

Benta di ticket lo cuminsa na october. TUI anteriormente tabatin plan pa lansa e ruta, pero a cancela esaki durante pandemia di COVID-19.

Cu e expansion, TUI ta drenta competencia directo cu Corendon, cu lo cuminsa bula entre Düsseldorf y Corsou caba durante proximo temporada di invierno. Segun Corendon, tin hopi interes pa e ruta, especialmente for di Hulanda.

TUI ta amplia su red for di Alemania tambe cu otro destinacionnan Europeo, mientras for di Amsterdam e aerolinea lo inicia dos vuelo pa siman pa Kilimanjaro na Tanzania.