Squaremouth: Aruba ta mas halto riba ranking pa famia y pareha cu pa biahero cu ta biaha so

ORANJESTAD — Aruba ta ocupa puesto 19 entre destinacionnan pa famia y puesto 22 pa parehanan, pero ta cay na puesto 46 entre personanan cu ta biaha so. Esaki ta surgi for di datonan di reservacion di plataforma di seguro di biahe Squaremouth, publica dia 22 di september, tocante biahenan pa e temporada di fin di aña 2026.

Segun e compania, destinacionnan di playa ta sigui popular entre famia y pareja, mientras biaheronan cu ta biaha so ta mustra mas interes den cultura, descubrimento y aventura. Italia y Merca ta encabesa e ranking pa biaheronan so y pa pareja.

E diferencia no ta limita na Aruba. Bahamas ta ocupa tercer puesto pa famia, pero puesto 22 pa biaheronan so. Destinacionnan manera Peru y Maroco ta mas halto riba e ranking pa personanan cu ta biaha so cu pa pareha y famia.

Pa Aruba, e cifranan ta sugeri un oportunidad pa duna mas visibilidad na experiencia cultural y di aventura, ademas di su playanan, pa atrae e segmento aki.

E ranking ta basa riba datonan di Squaremouth y no ta representa tur e mercado turistico ni ta indica un caida den e cantidad di biaheronan so cu ta bishita Aruba.