Lifeguard ta rescata su propio famia despues di accidente na Aruba

ORANJESTAD  – Un lifeguard di 24 aña di Hollywood, Florida, a logra rescata varios miembro di su propio famia despues cu un paseo riba lama na Aruba a termina den un accidente serio.

Marcelo Lorenzo, cu ta traha cu Hollywood Ocean Rescue, tabata di vakantie cu su famia ora dos balsa hala pa un boto a keda involucra den e accidente. Segun Lorenzo, e capitan a bira e boto lihe, causando cu e balsa caminda su tata, tanta y prima tabata a dal contra un boto.

Lorenzo a bula den awa inmediatamente. El a haya su tata inconsciente bou di e boto, sac’e for di awa y despues a mira su prima boca abou, tambe inconsciente. El a logra stabilisa su cabes y nek mientras cu dos empleado di e catamaran a yuda subi’e bordo.

Su tanta a resulta cu un braza kibra y varios miembro di famia a termina den hospital. Su tata ainda ta na Aruba, wardando autorizacion medico pa por biaha bek Merca.

Lorenzo ya a regresa Florida y a bolbe su trabou como lifeguard na Hollywood Beach. Ciudad di Hollywood lo honra e cu un premio pa su accion di salbamento.