Hospi Bondi Camp 2026 a reuni 140 mucha pa tres siman di diversion

ORANJESTAD - Horacio Oduber Hospital a clausura e 34 edicion di Hospi Bondi Camp exitosamente, cu pa di cuater aña consecutivo a dura tres siman. E camp a reuni 140 yiu y nieto di empleadonan di HOH, acompaña pa 45 lider.

Durante e tres simannan, e muchanan a participa den actividadnan manera na lama, parke di awa, cine, bowling, deporte, scavenger hunt, Spel zonder Grenzen y Adventure Park cu Fly High. Señor Frogs, hunto cu XFM, tambe a brinda e muchanan un atardi special cu cuminda, musica y baile.

E camp a termina cu e tradicional show di clausura, unda e muchanan a presenta nan talento pa nan mayornan.