Aruba ta enfrenta Sur Korea den duelo di pitcheo

LIVERMORE, California – Aruba, representando e region di Latin America, lo enfrenta Sur Korea (Asia-Pacific) awe tardi 6or (ora di Aruba) den un partido cu ta mustra di wordo domina pa pitcheo durante e Intermediate (50/70) Little League World Series na Max Baer Park.

E estadisticanan ta mustra cu ambos ekipo tin un pitcheo fuerte. Aruba ta permiti un promedio di 3.67 carrera pa partido, mientras cu Sur Korea ta concede solamente 2.33 carrera pa encuentro, loke ta haci cu cada oportunidad ofensivo lo por ta decisivo.

Aruba ta yega den e encuentro despues di a gana 9-5 di Europa-Africa, mientras cu Sur Korea a cay 2-1 contra Puerto Rico.

Un di e hungadornan pa sigui di cerca ta Cayden Fraser, kende ta combina pitcheo cu primera base. Fraser ta den un racha di tres partido consecutivo cu hit, batiendo pa un promedio di .375 durante e periodo ey.

Den ofensiva, Ryand Filiciana ta lider di Aruba cu un OPS di 2.250, mientras cu e mes ta lidera  e ekipo den innings pitcha cu un ERA di 3.82. Den defensa, catcher Isaac Arendsz ta lider e equipo cu 26 oportunidad defensivo.

Sur Korea tambe tin un ekipo balancea. Min Soo Kim ta lider ofensivamente cu un OPS di 1.125, mientras cu pitcher Hyunjin Kim tin un ERA di 3.15. Catcher Seo Ha Kim ta e lider defensivo di e ekipo.

Cu un puesto den e siguiente ronda den wega, tur indicacion ta mustra cu e duelo entre Aruba y Sur Korea lo ta un partido cera unda pitcheo, defensa y oportunidadnan chikito por haci e diferencia.