Encuesta! Bo opinion ta conta: Yuda mehora Noticiacla

ORANJESTAD – Noticiacla ta invita tur su lectornan pa participa den un encuesta special cu tin como meta pa sigui mehora e experiencia di tur hende cu ta usa nos plataforma. Cu e reciente renobacion di nos website, e introduccion di tres idioma (Papiamento, Ingles y Hulandes) y diferente servicio nobo, nos kier sa exactamente con bo ta haya Noticiacla y unda ainda nos por mehora. Pa mas cu 12 aña, Noticiacla a dedica su mes na informa Aruba cu noticia liher, confiabel y independiente. Pero pa sigui crece, nos ta kere cu e opinion di nos lectornan ta e guia mas importante cu nos por tin.

Den e encuesta, bo lo haya preguntanan tocante:

Con bo ta usa Noticiacla.

Kiko bo gusta mas y menos.

Con bo ta haya e diseño nobo di e website.

Kiko bo ta pensa di e opcion di tres idioma.

Kiko tipo di noticia bo kier mira mas.

Kico Noticiacla por haci pa bira ainda miho.

Ademas, e encuesta lo yuda nos compronde miho ken nos lectornan ta, pa nos por adapta nos contenido y servicio na loke realmente ta importante pa comunidad.

E encuesta ta completamente anonimo y lo tuma solamente algun minuut pa yena. Cada contesta ta di gran balor y lo contribui directamente na futuro di Noticiacla. Nos kier a gradici bo di antemano! Click AKI pa participa den e encuesta!