UEFA ta boycotea tur torneo di FIFA pa motibo di e plannan di Infantino pa Mundial

NYON  - UEFA a anuncia un boycot provisional di e Mundial di Futbol y tur otro torneo organiza pa FIFA. E decision a wordo tuma despues di un reunion di emergencia cu e 55 federacion miembro di UEFA, segun un declaracion oficial di e organizacion. Mundo di futbol ta den conmocion pa motibo di e plannan cu FIFA a presenta e siman aki. E federacion mundial di futbol kier atrae inversionistanan priva door di bende accion den un compania nobo cu lo maneha tur actividadnan comercial relaciona cu e Mundial.

UEFA a reacciona cu un mensahe cla pa FIFA: "E Mundial no ta na benta." "Ningun seleccion nacional afilia na UEFA lo participa den ningun competencia di FIFA mientras e proponementonan aki ta keda riba mesa," UEFA a declara, añadiendo cu nan ta rechasa e propuesta di FIFA "di forma unanime y sin ningun duda."

E boycot lo keda na vigor te ora e propuesta wordo retira completamente y tin garantianan obligatorio cu FIFA nunca mas lo habri su gobernacion of su competencianan pa propiedad priva. "Laga no tin ningun duda: UEFA y su federacionnan nacional lo opone cu determinacion total contra e plannan aki," e federacion europeo a bisa. "Tin cosnan cu simplemente ta hopi importante pa wordo bendi."

"E Mundial no por wordo trata manera un producto di inversion. E ta un di e herencianan deportivo mas importante di futbol, construi door di generacionnan di hungadornan, seleccionnan nacional y fanaticonan di tur continente," UEFA a declara. "Y mientras Europa tin un voz, e nunca lo ta na benta."